يا بخت من وفق راسين فى الحلال

مكاتب الزواج

كنت بتفرج على برنامج واستغربت اوى من الموضوع ده

حاجه غريبه وانتشرت بسرعه ومش عارفين سببها ايه

ممكن مثلا ان البنات مش لاقيه عرسان فبتدور على عرسان من خلال المكاتب دى
او لان الشباب مش قادرين يكونوا نفسهم عشان يقدروا يتقدموا للبنات اللى بيحبوهم مثلا

المكاتب دى بقى ليها شروط منها
حضور الراغب في الزواج شخصيًّا إلى المكتب

وإحضار البطاقة الشخصية الأصلية وصور منها

ودفع مبلغ يتراوح ما بين 50 إلى 100 جنيه

ثم تقدم استمارة تعارف فيها بيانات شخصية بكل دقة

واسم وعنوان وسن المتقدم للزواج

والمؤهل والوظيفة

ثم خانة المواصفات التي يرغب في توافرها في شريكة حياته

وعند القبول أو الموافقة على الزواج يتم دفع 400 إلى 500 جنيه من كل طرف على سبيل السمسرة

وكأن المكتب توسط في بيع سيارة أو شقة، وترفض المكاتب فئتين من الناس، وهما الصحفي وضابط الشرطة، وطبعًا الأسباب معروفة

عدد المكاتب أكثر من 125 مكتبًا، يسدد كل راغب في تسجيل اسمه بها رسومًا قيمتها 500 جنيه مصري بعد الحصول على موافقة من وزارتي
الداخلية والتضامن الاجتماعي قبل مزاولة النشاط

طبعا غير ال 60 الف مكتب اللى من غير ترخيص
بس انا من رايى ان مفيش بنت ترضى انها تعرض نفسها كده عشان عريس
ولا ان شاب يرضى انه يتجوز بالطريقه دى
والجواز ده نصيب وربنا هو اللى كاتبه وكل واحد المفروض يستنى لحد ما ربنا يريد

يعنى من الاخر مش مؤيدة للفكره دى

انتوا بقى ايه رايكوا فى الكلام ده؟؟؟

وشايفين ان الحكاية دى كده عادية ولا نصب؟؟
وهل تعرفوا حد عمل الحكايه دى قبل كده؟؟
قولوا اللى فى نفسكوا بقى