ليه البنت اللي بتمشي مع ولد وبتكون متأكدة انه عمره ما هيفكر يتزوجها ومع ذلك بتخدع نفسها وتكمل معاه؟؟؟
مش عارفه ممكن تكون عبيطه بس انا مش مجربه الحكايه دى الحمد لله عشان كدا بسأل نفس السؤال
بس هنقول ايه بقى ربنا يهديهم
وليه نفس البنت دي بعد ما الولد دا يسيبها تروح تمشي مع ولد تاني؟؟
دى حاسة بنقص بقى هوا مفيش بنات تمشى معاها ولا ايه
ليه بنذاكر واحنا عارفين اننا مهما دخلنا كليات عالية برضه في الاخر الواسطة والمحسوبية هي اللي بتغلب في الشغل؟؟
بصراحه انا متفائله وعمرى م حسيت ان ممكن حد ياخد مكنى مهما كانت وسطته فأنا وسطى اعلى منه (ربنا) وبجد واثقه أوى ف كدا
ليه الاب والام مش مقتنعين ان ابنهم او بنتهم مش هيتصلح حاله الا اذا بقى دكتور ولا مهندس؟؟
مش كل اولياء الامور كدا بس يعنى هما بيبقى املهم كبير ف اولادهم وبس عايزنهم احسن ناس ف الدنيا
ليه ساعات بتقول انك انت الصح وبتحاول تقنع التانيين بكدا وعارف انك غلط وبتضحك على نفسك؟؟
بنكون عايزين نبان بشكل كويس ودا فيه برضه شىء من الكبر
ليه بنكره الاعتراف بالخطأ وبنتكبر اننا نقول اننا غلطانين؟؟
عشان نهرب من الاحراج
ليه مبقيناش نحترم الكبير زي الاول؟؟
لا بنحترمهم وربنا
ليه كل الناس عايزة تتكلم بس مفيش حد عايز يسمع؟؟
لاننا مش لاقين اللى يسمعنا ف كلنا بنتكلم وكلنا جوانا هموم كتييييييييييييير
محتاجين نتكلم وخلاص ممكن كون مش عايزين حلول بس عايزن نتكلم وخلاص
ليه لما تكونى داخلة من باب الكلية بالحجاب الشرعي وواحدة تانية داخلة بالاحمر والاخضر ييجي حارس الامن يطلب منيك الكارنيه او يقوليك لفي من البوابة التانية مع انه عارفيك وبيشوفيك كل يوم لكن بيسيبها هي تعدي مع انها ممكن يكون اول مرة يشوفها؟؟
والله انا كمان بزعل اوى من دا مع انى مش منتقبه ولا حاجه ولا بلبس لبس خليع برضه
يعنى لبس كويس ومس ملفت وخلاص