اقرأ ياسيدى وشوف تامر اة حسنى

كليبه الجديد فجر المشكلة
الجمهور يتهم "تامر حسني" بالتحرش الجنسي
بالنظر إلى الاحداث التى أحاطت بإصدارات تامر الفنية يمكن أن نطلق على عام 2009، هو عام نكسة "نجم الجيل" فما بين تراجع إيرادات فيلمه الجديد "عمرو وسلمي الجزء الثانى"، ناهيك عن اتهامه بتدبير ما يحدث فى حفلاته من صراخ وإغماءات وترامى الفتيات فى أحضانه وتأكيدات رفيقة بداياته المطربة "شيرين عبد الوهاب" الشهيرة بـ "شيرين آه ياليل" لهذه الاتهامات، إضافة لتحفظ محبيه على تقليده لملابس وحركات المغنى الأمريكي مايكل جاكسون فى بوستر ألبومه الأخير تختتم قائمة الاتهامات بالتحرش بموديل كليبه الأخير.
تاعبة كل الناس
"هي دي.. هو ده" و"دماغك خليها تاكلك" كلمات أخر أغنيتين لـ "نجم الجيل " كانتا وبالا عليه بعد أن تسببتا فى هجوم الكثيرين نتيجة تفسير البعض على أنهما يحتويان على إيحاءات جنسية.. ولم تقتصر الانتقادات على الأقوال فقط إنما طالت الأفعال هذه المرة عبر كليب ألبومه الأخير"تاعبة كل الناس" الذى عرض منذ أيام قليلة إذ اتهمه عشاقه بالتحرش الجنسي بالـ "موديل" التى ظهرت معه فى الكليب.
أثار الكليب حالة من الاستياء بين الجماهير التى شنت هجوماً حاداً عليه لما رأوا فيه من دعوة للتحرش وبالتحديد المشهد الأخير الذى يظهر فيه وهو يلهث ويجوب الطرقات والشوراع خلف فتاة جميلة تخلب ألباب الجميع ويظل يطاردها آملا فى نظرة أو كلمة ولكن هيهات.. ويظل يمشي ويمشي إلى أن تضطر الموديل للدمعفن إلى أحد المنازل ومنه على ما يبدو إلى البدروم للهروب منه ثم تفاجأ بحائط من السلك يمنعها من الخروج.
تقوم الفتاة بهز السلك بكل ما تملك من قوة لخلعه للهرب من مطارداته فى المقابل تظهر لقطة لـ "نجم الجيل" سعيدا بعدما تهيأت الظروف للانقضاض عليها ثم يستعد ويقترب بجسده شيئا فشيئاً حتى كاد أن يلمسها ولكنها تتمكن من الهرب من بين يديه.
خروج عن حدود الأدب
اعترض الجمهور على الكليب وشهد وقفة جادة منهم بعد أن سخروا المنتديات والفيس بوك للهجوم على "نجم الشباب" وأبدوا تحفظهم على بعض مشاهد الكليب ولكن للأسف فلم يكن البطل هو الشخصية الوحيدة التى شهدت اعتراضاً حيث اعتبرت قيام السيدة العجوز بإرشاد "نجم الجيل" عن الفتاة بأنه أمر خارج عن حدود اللياقة والأدب.
خصص جمهور "الفيس بوك" جروب خاص اسموه "نهاية تامر على يد تاعبة كل الناس" وجاء فيه: الاسم نفسه مشكلة ومش سليم أبدا، اسم له دلالة قبيحة ومبتذلة.. ليه دايماً اسامى أغانيك ليها دلالة سيئة وإيماءات وإيحاءات جنسية.. هو للأسف مفيش أى موضوع أو فكرة للكليب ومفيش أى هدف.. الكليب باختصار.. واحد ماشى ورا بنت فى الشارع, ميعرفهاش .. شافها.. بيبص عليها بنظرات فى مناطق من جسدها ابتدأها أولاً بالنظر إليها من الخلف عندما مرت من إمامه لم يكتف بهذا ولكنه استمر فى متابعتها وملاحقتها ومحاولة لمسها.. بداية من لمس كتفها.. ثم ظهرها ثم محاولة لمس مناطق أخرى حساسة وقد رأينا براعة المخرج فى انتقال الكادرات بخفة وبراعة على يد تامر وهى تحاول لمسها من الخلف والأمام.
حالة تامر بتتدهور

أما المنتديات ففى عقر داره بالمنتدى الرسمي لـ " نجم الجيل" جاءت إحدى التعليقات: بجد رغم حبي الكبير لتامر ولصوته ولأغانيه ولإحساسه بس بجد بحس إنه عنده انفصام في الشخصية وإن حالته كل مدى بتتدهور مرة شخص متدين وبيصلي وبيصوم ومن أطيب مخاليق ربنا ،ومرة شخص تاني عكس كل ده بيعمل حاجات عيب قوي تتعمل من واحد في شهرته وفي سنه وفي اللي وصل له.. يارب يهدي تامر ويرجع تامر بتاع زمان المحترم اللي صوته كان كفاية عشان يخلينا نعشق أغانيه ونتابعه.
وفى المنتديات الأخرى على سبيل المثال لا الحصر جاءت إحدى التعليقات على الكليب فى منتدى "الغابة العربية": بصراحة أنا معجبنيش الكليب كان ممكن يبقى أفضل من كده وكنت متوقع أفضل من كده من تامر بس بالنسبة لموضوع التحرش والمعاكسة أنا شايف إن اللى فى الكليب ده يتسمى تحرش مش معاكسة لأنه وضع أيده على جسمها وده يتسمى تحرش وما كنش تامر ينفع يعمل كده لإن مش كل واحد تعجبه واحدة يمشى وراها ويتحرش بيها.
دعوة صريحة للتحرش
يتفق معه فى الرأى أحد المعلقين في منتدى "مزيكا توداى" ويقول: معلهش نسيت أقول رأيي.. تامر كملها على الأخر وختمها فوق دماغه بالكليب الأخير وفعلا دعوة صريحة للتحرش وطبعا كلكم شوفتوا كده فى الكليب واللى يقول غير كده يبقى بيناقض نفسه.
بعد كل هذا هل يمكن أن يغير تامر مجرى ما خطاه ويعيد النظر مرة أخرى فيما يقدمه ويراعى إن هناك بعض الهفوات قد تقلب الأمور رأساً على عقب.. وإن هناك جمهور يؤيد وجمهور ينتقد.. أم سيتجاهل كل ما حوله من انتقادات ويسير لا يلقى اهتماما بما يدور حوله؟.

من الاخر ياجماعة اصلى انا بكره تامر حسنى دا
مع احترامى للناس اللى بتحبه يعنى
فكل ماهلاقى فضيحة ليه هنشره هة بقى Razz

اةةةةةةةة والله عندك حق
تامر حسنى دة اساسا هو مفهوش الا صوت وخلاص بس كلة معاصى وحاجات وحشة
راحت فين ايام محمد فواد زمان
فاكرة اغنية الحب الحقيقى بتاعتة انا فاكر كانت بتقطع فى قلبك قد اية
ولا راح فين عامر منيب
يخسارة على زمن الفن الجميل
على راى احمد ادام
على العموم توبيك
هايل
وربنا يكتر من اعداء تامورة

ههههههههه يارب يسمع منك ربنا ااااااااااااااة فؤش ياسيدى

محمد هو محمد منير اتجوز؟
ههههههههه
اصلى موش لقياله حاجة عن زواجه خالص
بس هجيبلك الاخبار الجديدة حالا

الله عليكي يابسكوتة هو دا الكلاااااااام
لوتحبي تنضمي لرابطة كارهي تامر حسني علي الفيس بوك قوليلي دي اكبر رابطة علي الفيس بوك وفيها موسوعة فضايح تامر نجم الجرجير

اوكى اوكى بس قولى بس ازاى اصلى مليش اسم على الفيس بوك

شكراا على الفضيحه الجامده دى

وفى انتظار فضايح اكتر واكتر يا قمر هههههههههههههههههههههههه

تسلمى على التوبيك

ههههههههههههههه
اية ياجماعة هو انا اتعرفت بالفضايح
من عنيا الاتنين دا انا هخلى تامر دا ميسواش
ال اية بيشبهوه بعمرو دياب اهة اهة انا متضايقة عمور حبيب قلبى زى الشخصية دى
اووووووووف
يلا ماعلينا
انتظروا المزيد
الباقية تأتى

اوكى منتظرين يا قمر

فعلا يا جماعة الكليب بتاع تامر اكتر من اى كلمة وحشة ممكن تتئال عليه بجد هو انسان فاكر نفسه محترم وتصرفاته عادية وهى غير كده خالص انا اتفرجت على الكليب مرة واحدة والله اتحرجت ومشوفتهوش تانى ربنا يهديه

سخط كره بغض

مش فاهم ايه كم الكرة اللى بيستقبله تامر

تعاطفا مع تامر

» قصة حبى الوحيد (تامر حسنى )
» تامر حسنى للرقابة
» قصة حياة تامر حسنى فى فيلم سينمائى
» نصر محروس: تامر حسنى هيضيع من غيرى
» فضيحة تامر حسنى ع المحور مع احد المعجبين