| رجولة ايه بقى هى بقى فيها رجوله خالص | |
|
|
كاتب الموضوع | رسالة |
---|
dark man عضو ذهبي
عدد المساهمات : 851 تاريخ التسجيل : 15/08/2009 العمر : 29 الموقع : فى احلى مكان فى العالم
| موضوع: رجولة ايه بقى هى بقى فيها رجوله خالص الأحد نوفمبر 08, 2009 10:37 pm | |
| المكان: أتوبيس مزدحم جدا..
الزمان: الساعة 8 صباة
سيدة حامل تحاول إيجاد مساحة فارغة داخل الأتوبيس المكتظّ.
السيدة الحامل: "لو سمحت وسّع شوية مش عارفة أقف"
شاب فنكي: "جرى إيه يا ست إنتي؟؟ ما إنت شايفة الدنيا زحمة"..
صمت طويل.. شخص يقف فجأة استعداداً للنزول، والشاب قفز بسرعة ليجلس مكانه دون أدنى اهتمام بالسيدة الحامل..
الشاب الفنكي: "الدنيا زحمة أوي.. مش معقول واقف من الصبح ما حدش قام علشان أقعد.. الناس جرى لها إيه؟؟" ويحاول أن ينام مسندا رأسه على ظهر المقعد حتى وقت النزول.
عجوز يجلس في الخلف ويراقب المشهد من البداية: في نظرة استنكار وغضب يرد: "تعالي يا بنتي اقعدي مكاني.. أنا مش عارف الدنيا جرى فيها إيه! الظاهر إن الرجالة ماتوا في 73".
يقف العجوز مستندا على ذراع الكرسي ويده الثانية على عكاز قديم وإلى أن يغادر الأتوبيس وهو مستنكر من الحالة التي وصل لها رجال مصر، وكيف أنهم بحق ماتوا في 73 كما نقول.
المكان: شارع جانبي في وسط البلد
الزمان: يوم 6 أكتوبر - الساعة 12 ظهرا
خناقة في وسط الشارع، والجميع يمر عليها ويكتفي بالمشاهدة من بعيد..
عصام: "ما تيجي يا أخي نشوف الناس دي ونفضّ الخناقة.. كده هيموّتوا بعض وما حدش سائل!!"
فتحي: "باقول لك إيه، بلا خناقة بلا بتاع.. خليهم ياكلوا بعض، ولو ماتوا يبقى أحسن أهو نرتاح منهم.. ما ينوب المخلص إلا تقطيع هدومه.. وبعدين كده هنتأخر على ميعاد الواد عمرو، مستنينا في شارع سليمان باشا بالمسائل.. يلا بقى"..
صوت شادية في خلفية المشهد من كشك صغير:
ما شافش الرجال السمر الشداد فوق كل المحن
ولا شاف العناد في عيون الولاد وتحدي الزمن
ولا شاف إصرار في عيون البشر بيقول أحرار ولازم ننتصر
أصله ما عدّاش على مصر.. يا حبيبتي يا مصر
وهنا ينطلق صوت صاحب المحل العجوز: "اقفل يا واد الراديو ده، قال ما شافش الرجال قال.. تيجي تشوف دلوقتي، الكلام ده كان زمان.. فعلا الرجالة ماتوا في 73 ".
عرفت إحنا بنتكلم على إيه ولا لسه؟؟ على تلك العبارة التي نرددها كل يوم، وعقب كل مشهد مؤسف تنهار فيه
قيمة أو مبدأ أو تموت فيه الأخلاق: "الرجالة ماتوا في الحرب" جملة نرددها بمنتهى التلقائية وتحمل بين حروفها ذلك
المعنى الذي عجزنا أن نسميه لسنواتٍ، ويسميه المثقفون انهياراً أخلاقياً؛ ولكن الناس العاديين اختصروا ذلك كله
في تلك الجملة التي تؤكد دفن أخلاقيات المصريين مع شهدائها في حرب أكتوبر 1973.
وبعيداً عن كون حرب أكتوبر نفسها بالنسبة لكثير من الشباب مجرد ذكرى سطر ونص في كتب التاريخ، أو اسم
لكوبري "زحمة أوي"، أو اسم لمدينة جامدة بس ناقصها مترو، أو على حد تعبير شخص عادي سئل سؤالاً بسيطاً:
"بماذا يذكرك 6 أكتوبر؟" "ده عيد ميلادي، بيفكرني بماما وبابا".. يعني أصبح ذكرى بعيدة مجوّفة لَدَينا، وخالية من
معنى، تتذكره وسائل الإعلام باستضافة رموز الحرب الذين مازالوا على قيد الحياة، وأفلام "الرصاصة لاتزال في
جيبي"، و"أغنية على الممر" و"أيام السادات" لمن لايزالون يشاهدون القنوات الأرضية.. لكن ماذا عن الأخلاقيات.. عنا
إحنا شباب مصر بعد 36 سنة من حرب أكتوبر؟!
السؤال لك ..!! والإجابة لديك أيضا.. نحن الآن ومنذ أربعة عقود تقريبا ليس لدينا حرب مع عدو ظاهر؛ بل ما يقال لنا:
إننا في سلام مع العدو الأساسي، ولا أعداء لدينا غير إسرائيل.. يعني من المفترض أن حالة الرخاء تنعكس على
أخلاقياتنا وليس العكس.. وأن أعظم حرب في تاريخ مصر لا يصح أبدا أن تكون مجرد حرب عسكرية أعادت جزءاً من
مصر وكفى، ودفنت معها أخلاقيات غالية مميزة للشعب المصري لتحل محلها اللامبالاة والسلبية وغياب الهدف
والقدوة وحالة من التوهان، وشباب يختفي خلف الدخان الأزرق مكتفياً بجلسة علنية للشيشة على قهوة بلدي أو
كافيه بالمعنى "المودرن"، وجلسة سرية مع أصدقائه ليضحك بهستيرية على لا شيء وهو يمسك بين أصابعه
بسيجارة "محشية"..
المنطق يقول: إن مصر التي أنجبت آلاف الشباب الذين دافعوا عنها بدمائهم وأرواحهم تنجب الآخرين الذين يرفعون
راياتها -ليس على جبهة القتال فقط ولكن- في الشوارع والمدارس والجامعات ومجالات العمل المختلف.. لكن صفر
المونديال في كل مجالات حياتنا يجعل مصر مثل مدرسة النجاح التي لم ينجح فيها أحد.. ولن ينجح فيها أحد أبداً،
ونحن نعيش سنوات وباء الأخلاق الذي يشبه أنفلونزا الخنازير في سرعة العدوى به.
اوعى تكون سرحت أو نمت.. الحكاية مش قصة فيلم؛ لكن إحنا فعلا نحتاج الآن إلى حرب أخرى ليست مع إسرائيل؛
ولكن مع أخلاقياتنا المنهارة.. وكما قال يسري فودة: إننا "نحتاج دعوة إلى الحرب.. لكنها حرب من نوع مختلف يقع
ميدانها في بيوتنا وشوارعنا وجامعاتنا وإعلامنا"؛ لسبب بسيط، وهو أن بعد حرب أكتوبر لم يمت الرجال فقط، ولم
تترمل نساؤهم فقط؛ ولكن ماتت الحالة الأخلاقية والإنسانية التي صنعت الحرب.. لسبب بسيط آخر؛ لأن الذين حاربوا
لم نزرعهم في صوبة منعزلة إلى حين بدء الحرب؛ ولكنهم ولدوا على أرض مصر كلٌ في بيئته، والتي صنعت منه
وقت الشدة بطلاً في الميدان وبطلا في المدرسة والجامعة والمسجد والشارع.
ممكن تكون مختلف معانا وعندك وجهة نظر تانية، وتقول: إن مصر ليست بهذا السوء وأن تعبير الانهيار الأخلاقي ليس
حقيقة؛ ولكنه من خيال مثقفين يعيشون في برج عاجي.. وأنه مازالت الأخلاقيات موجودة والحالة "زي الفل"، وأن
شباب الآن أحسن ألف مرة من شباب أكتوبر 1973، أو تقول حتى: إن جملة "الرجالة ماتوا في 73" مجرد جملة
للسخرية ليس إلا، أو ترى في نفسك أنه حين تحين الفرصة ستكون أفضل ممن رفع العلم فوق سيناء، وإذا جاءت
الفرصة لن تتوانى عن كتابة "الله أكبر" بالدم على علم مصر.. لكن تذكر حينها أن الكلام أسهل بكثير من الفعل، وأنالتضحية تحتاج إلى شخص آخر غير الذي يستمتع برائحة الحشيش والأفلام الإباحية على
الموبيل.. "يعني الحكاية
مش سهلة زي ما إنت فاهم"؛ وإلا ما كناش نمثل فيلم الهروب عند كل خناقة صغيرة في الشارع، أو نردد "وأنا
مالي" مع وردة عند كل موقف يتطلب "وقفة رجالة".
يا ترى الرجالة ماتوا فعلا في 73 زي ما بنقول..
ولا دي مجرد جملة بنقولها للسخرية من نفسنا؟
وشباب مصر 2009 ممكن يعملوا بطولات زي شباب 1973؟
ولا زمن البطولات راح وإحنا في زمن الدنيا خربانة؟
تحياتى للجميع
منقول
| |
|
| |
JOKOMANO المراقب العام
عدد المساهمات : 1688 تاريخ التسجيل : 08/07/2009 العمر : 33 الموقع : http://allfriends.gid3an.com
| موضوع: رد: رجولة ايه بقى هى بقى فيها رجوله خالص الأحد نوفمبر 08, 2009 10:44 pm | |
| | |
|
| |
dark man عضو ذهبي
عدد المساهمات : 851 تاريخ التسجيل : 15/08/2009 العمر : 29 الموقع : فى احلى مكان فى العالم
| موضوع: رد: رجولة ايه بقى هى بقى فيها رجوله خالص الأحد نوفمبر 08, 2009 10:44 pm | |
| الله يخليك ياهيما نورت التوبيك | |
|
| |
DOLA الدعم الفني
عدد المساهمات : 585 تاريخ التسجيل : 02/08/2009 العمر : 34 الموقع : جزيره الاحلام
| موضوع: رد: رجولة ايه بقى هى بقى فيها رجوله خالص الأحد نوفمبر 08, 2009 10:59 pm | |
| تسلم يا ابوحميد على التوبيك
فى انتظار جديدك | |
|
| |
dark man عضو ذهبي
عدد المساهمات : 851 تاريخ التسجيل : 15/08/2009 العمر : 29 الموقع : فى احلى مكان فى العالم
| موضوع: رد: رجولة ايه بقى هى بقى فيها رجوله خالص الأحد نوفمبر 08, 2009 11:01 pm | |
| الله يخليك يادولاااا نورت التوبيك | |
|
| |
fantomlovelife المشرف العام
عدد المساهمات : 580 تاريخ التسجيل : 03/08/2009 العمر : 34
| موضوع: رد: رجولة ايه بقى هى بقى فيها رجوله خالص الإثنين نوفمبر 09, 2009 1:16 am | |
| معانى الرجولة؟؟وهو انتا راجل؟رساله الى ;كل رجل؟؟ الرجوله مش بانك يعلى صوتك ع الحريم الرجوله هيا انك تلتزم وتكون رحيم الرجوله هيا انك تبقا زوق وتكون حليم مش عشان تظهر رجولتك تبقى زى شيطان رجيم
الرجوله مش بانك راح تعاكس ف البنات ولا انك بردو تحكى ف الغرام وتقول اهاات ولا تلعب بالقلوب وتدوب ف حبك من سكات ولا تلعب يوم رياضه تبقا نفخ وعضلات او تكون اهبل تملى من سقوط بنطلونات الرجوله هيا انك تمشى طبعا ع الصراط والرجوله تكون بانك خدت ايه من حسنات
مش رجوله يعلى صوتك جوه بيتك كل يوم ولا راح تشخط وتنطر دى الحياه مش راح تدوم خلى كل الناس تحبك تترفع ليك الغيوم حسن الاخلاق تملى واحسنو لبس الهدوم خلى زوجتك او خطيبتك تفتخر وقت اللزوم
خلى اولادك صحابك كون عليهم شى امين اطلب الصدق ف وجودهم وانسى صنف الكدابين والرجوله مش بشده زى شارون او رابين لو صدقت لاهل بيتك تبقى من اهل اليمين
الرجوله مش بانك راح تقلد ف الحريم او بانك شاب مودرن او بتمشى ع الرجيم خلى قرانك سلاحك واعرف المولى الرحيم راح تكون قدوه لولادك ولعبادو اجمعين وف حياتك تبقى راجل زى شيخ احمد يا سين
فيها ايه لو خدت خالد ولا مصعب ليك امام مش بانك شكل تامر اوشبه عادل امام او تقول لافف وداير وانتا زى الطور تمام بردو هو يلف ديما وف عينيه فيه الغمام
اوعا تتجنن ف مره تنسى انك شب زوق لو تركت الفرض تبقا شب مش عوز تروق اصحا وافتكر اللى ماتو؟؟ وف الرسول امسك بطوق طوق نجاتك من صلاتك هيا دى اصل الفروق
الرجوله مش بانك تبقى شاب شبه دياب او بانك شكل تامر وانتا عارف فيه حساب ولا نجمك نجم كوره نجم شباك ولا باب الرجوله هيا انك تمسك القران كتاب
اصحا ياراجل شويه من حياتك يلا فوق بص جوه حياه سيادتك مش تكون باصص لفوق اوعا تفتكر الرجوله ع الهبل لازم تسوق دى الرجوله هيا انك تبقى راجل بس زوق
الرجوله مش بانك راح تدخن ف الحشيش او سجاير تروى عطشك فيها فايده ؟؟ لامفيش او تكونى كاللمبى طبعا ف الصياعه ع الافيش او تلف سجون تملى يتعمل ليك الف فيش الرجوله هيا انك بالحلال تعرف تعيش
مش رجوله انك تقلد فـ المهند ولا نور او بتقعد يوم تشيت والبنات واقفين طابور او بانك تنسى نفسك مره يعليك الغرور لو صحيح جامد يا راجل افتكر يوم ف القبور الرجوله هيا انك عيش حياتك دى ف سرور كون مع المولى اللى خلقك هو هيحل الامور
الرجوله مش بانك تمشى ويوقلو دا بيه الرجوله طبع كامن مش معاك كده كم جنيه بلقليل هتعيش كويس بس تعرف عشت ليه عشت علشان تبقا راجل والجميع شاور عليه
الرجوله هو انك تبقى شب وعندو نخوه مش بانك تنسى عرضك او تقول ملكشى دعوه او تسيب بيتك بيقلب او تروح تقعد ف قهوه او تغنى ولا ترقص او تقول معدشى فايده الرجوله تبقى راجل اى وقت واى قاعده هو ايه خيب ف حالنا من كلام شعارات وخيبه
خاف على اختك وبنتك مش تعاكس ف الجيران ترضا لامك ولا خالتك حد يعكسهم كمان الرجوله هيا انك نبع ليهم من حنان مش تدافع عن رجولتك لجل ميعود الامان وتساعدهم ف الطريق؟؟؟ يرحمك ايام زمان
مش رجوله انك بتقعد ف الكافيه تلعب قمار الرجوله مش بانك كلو جد مفيش هزار كان نبينا وشه يضحك بس وقت الجد نار ابتسم ف وش غيرك واحترم راى الكبار شوف قطز ورجولته كانت عبره ولكل التتار دول بيبنو وانتا هادم وبصحيح حته؟ حـ مـ ا ر
انتا راجل الف مرة لو ايمانك جوه قلبك لو هتبقى ف مره راجل تلقى كل الناس تحبك مش مهم الخلق ترضى المهم يرضا ربك هو ايه فى الكون دا يغلب لو اله الكون دا حبك؟؟ ________________________ صفات الرجولة الحقيقية ومعناها الحقيقي:
فالرجولة لا أن لا تشغلك الدنيا عن ذكر الله عز وجل.
فمهما بلغ المال ولولد من زينتهما للدنيا فعملك الصالح هو ما سيبقى عند ربك لك..
أن تكون قوامة الأسرة هي للرجال لا للنساء,كما نرى اليوم عند بعض منهم ترك الرجولة الحقيقية ولبس لباس الراحة.
الرسول عليه الصلاة والسلام يقول:إن المؤمن ليبلغ بحسن خلقه درجة الصائم القائم
بعد هذا العرض لصفات الرجولة لنتفكر لحظات وترى أي الصفات افتقدنا وأي الصفات قد وصل لها البعض 1) الذكر الدائم لله عز وجل: 2) أن تقدم طاعة الله على المال وعلى الولد: 3) القوامة على الأسرة: 4) حسن الخلق: 5) التواضع، لا التكبر.. 6) الرجولة في العفو لا في الانتقام.. ويارت منرجعش ف الاخر نقول؟؟
اصل الرجاله ماتو ف الحرب شكرا ليك يااحمد | |
|
| |
dark man عضو ذهبي
عدد المساهمات : 851 تاريخ التسجيل : 15/08/2009 العمر : 29 الموقع : فى احلى مكان فى العالم
| موضوع: رد: رجولة ايه بقى هى بقى فيها رجوله خالص الإثنين نوفمبر 09, 2009 10:14 pm | |
| ثانكس فانتوم ع رد نايس مرور | |
|
| |
JOKOMANO المراقب العام
عدد المساهمات : 1688 تاريخ التسجيل : 08/07/2009 العمر : 33 الموقع : http://allfriends.gid3an.com
| موضوع: رد: رجولة ايه بقى هى بقى فيها رجوله خالص الإثنين نوفمبر 09, 2009 11:17 pm | |
| ايون كدا يا فانتوم ماشى يا احمد | |
|
| |
M.Zieada المشرف العام
عدد المساهمات : 1316 تاريخ التسجيل : 04/09/2009 العمر : 34
| موضوع: رد: رجولة ايه بقى هى بقى فيها رجوله خالص الثلاثاء نوفمبر 10, 2009 5:45 am | |
| شكرا ليك يا أحمد على التوبيك الجميل دة وفعلا يا أحمد الرجولة قلت بس مش أتمنعت
شكرا جدا ليك فانتوم على مرورك الجميل دة وديما كدة منور توبيكاتنا شكرا ليك جدا | |
|
| |
زوزيتا فاكهة المنتدي
عدد المساهمات : 1324 تاريخ التسجيل : 15/08/2009 العمر : 33 الموقع : فى قلب حبيبى
| موضوع: رد: رجولة ايه بقى هى بقى فيها رجوله خالص الثلاثاء نوفمبر 10, 2009 2:52 pm | |
| توبيك جميل اووى يا احمد
والرجوله قلت جداااااااا وقربت تنقرض كمااااان
تسلم يديك | |
|
| |
&walaa& عضو فضي
عدد المساهمات : 164 تاريخ التسجيل : 30/10/2009 العمر : 31
| موضوع: رد: رجولة ايه بقى هى بقى فيها رجوله خالص الثلاثاء نوفمبر 10, 2009 6:35 pm | |
| ميرسى يا احمد يا جميل على التوبيك الجامد دا فعلا ما عدش فى رجولة خالص بالذات فى الاتوبيس تلاقى الولد اعد ومستريح ع الكرسى وممدد رجلية كمان وشايف بنت مزحومة وسط رجاله تانية الله يرحمك يا رجوله
| |
|
| |
M.Zieada المشرف العام
عدد المساهمات : 1316 تاريخ التسجيل : 04/09/2009 العمر : 34
| موضوع: رد: رجولة ايه بقى هى بقى فيها رجوله خالص الثلاثاء نوفمبر 10, 2009 6:54 pm | |
| انا والحمد لله أتصحبت على الكومسرية كلهم من كتر الخناق معاهم
وفعلا الاتوبيسات صعب
وانا أحبذ ان البنات ميركبوش اتوبيسات [اى طريقة من الطرق | |
|
| |
| رجولة ايه بقى هى بقى فيها رجوله خالص | |
|