صح ولا غلط

موضوع: صح ولا غلط الجمعة نوفمبر 27, 2009 3:47 pm

السلام عليكم ورحمة الله و بركاته

إزيكم يا شباب و يا بنات عاملين ايه ؟ يارب تكونوا بخير وكل عام وانتم بخير

بصراحة يا جماعة فى موضوع بقاله فترة شاغلني اووى و مش عارفه الاقيله حل خالص ..

انا هاتكلم عن

معاملة الوالدين للآبنائهم

طبعاً كلنا عارفين يعنى ايه أب و يعنى ايه أم و يعنى ايه أولاد و يعنى ايه مسئولية و تحمل الظروف و الضغوطات .
كلنا ساعات بنلاحظ ان ف اغلب العائلات ان دايماً بنلاقى الأب صعب جداً فى التعامل مع أولادة و ساعات بتبقى الأم مش الأب .

هل يا جماعه المعاملة الجافة اللي دايماً بتبقى معتمدة علي العنف و الارهاب و التهديد و الرعب سواء كان من الأب أو من الأم ، المعاملة دي بتبقى ايه نتائجها ؟
هل سلبية ؟ ام إيجابية ؟
بجد نفسى الاقى جواب للسؤال دا ، لآن فى ناس كتير اووى بتقول إيجابيه و ناس تانيه برضه بتقول سلبية .
هل التربية اللى بتبقى معتمدة ع العنف و الارهاب و الخوف بتبقى زي التربية اللى بتبقى مبنية ع التفاهم و الاحترام و الصدق و الأدب ؟

طبعاً كلنا عارفين ان العنف بؤدي إلي :-

1- الكدب .
2- فقدان الانسان ثقته بنفسه .
3- الكراهيه وعدم إحترام الآخريين .
4- الضعف وفقدان الجرأة .
5- الإجرام او فعل اشياء خاطئه و البعد كل البعد عن الدين و عن ربنا .
طبعاً دي بعض الحاجات اللي العنف بيؤدي إليها .

-------------------

تعالوا بقى للمعامله الحسنة السليمة الطيبة :-

1- الصدق و الأمانة .
2- الثقة فى النفس .
3- الأحترام و عدم التطاول ع الغير باى شكل من الاشكال .
4- التقرب الدائم من ربنا ، والاهتمام بتعاليم الدين .
5- الجرأة و عدم الخوف .
دي بعص الحاجات اللي بتؤدي إليها المعاملة الحسنة السليمة .

--------------------

فيها ايه يا ناس لما كل أب او كل أم يعاملوا اولادهم بالحُسنى و يخافوا عليهم و يربوهم تربية سليمة خالية تماماً من العنف و الارهاب و الخوف و الرعب .. إلخ
فيها ايه لما تصاحب ابنك من صغره فيها ايه لما تعمله حساب فأى مكان حتي لو كان أبنك صغير ، علٌي من شأن اولادك دائماً ولا تقلل من شأنهم مهما حصل .
انا عاوز كل أب و كل أم كانوا بيعاملوا اولادهم معاملة مش كويسه او معامله مش سليمة ، يحاولوا يجربوا معاهم المعامله الحسنة الطيبة وشوفوا بنفسكم و لاحظوا الفرق شوفوا اولادكم بقوا عاملين ازاي ؟ هل اتغيروا ولا لسه زى ماهما ؟

و الله يا جماعة العنف و المعاملة السيئة حاجه مش حلوة خالص و عمرها ماكانت عامل اساسي فى التربية ، و الله كل دا بينقلب عليكم انتوا و انتوا كده بتضروا اولادكم مش بتربوهم لما انت تبقى عامل لآبنك رعب و مخوفه منك ، هل لما تيجي تسأله فأي حاجه و ابنك عارف ان الاجابه هاتضايقك و ممكن تضربه ، هل الولد هايجاوبك بصدق و بصراحه ولا هايكدب عليك علشان مش تضربه ؟ طبعاً لازم يكدب و اللي بيكبر و اتعود علي حاجه عمره ما بيعرف يغيرها و لما يكبر عمره ما هايدعيلك دا بالعكس دا هايدعي عليك هايقول منك لله يابا انت اللي عملت فيها كده انت اللى وصلتني لكل دا كل اللي انا فيه دا بسبب معاملتك ليا .

و الله يا جماعه انا لو قعدت من هنا لبكره اكتب مش هاقدر اوصفلكم حال الاولاد اللي بيبقوا من النوعية اللي بتتربي ع العنف و الارهاب والخوف .
بجد حاجه وحشه اووى .

متأسفه جداً ع الإطالة .. و مستنيه تعليقاتكم ع الموضوع

موضوع: رد: صح ولا غلط الجمعة نوفمبر 27, 2009 4:32 pm

بجد موضوع جامد جدا
وشكلك بيقول ان شايله اوى صح ولا غلط Icon_biggrin

موضوع: رد: صح ولا غلط الجمعة نوفمبر 27, 2009 4:52 pm

ههههههههههههههههه

لا مش شايله ولا حاجة يا اسلام

بس بحس انها طريقة غلط فى التعامل مع ولادهم

بس انت ما قولتليش رايك ؟؟

موضوع: رد: صح ولا غلط الجمعة نوفمبر 27, 2009 6:05 pm

توبيك جااااااامد جدااااااااااا

تسلم ايديكى يااولاء

موضوع: رد: صح ولا غلط الجمعة نوفمبر 27, 2009 8:19 pm

توبيك
جامد
زى
صحبتة
تسلمى

موضوع: رد: صح ولا غلط الجمعة نوفمبر 27, 2009 10:41 pm

جميل جداااااا ولاء
ونصائح جميلة ومفيدة

موضوع: رد: صح ولا غلط السبت نوفمبر 28, 2009 4:59 pm

توبيك جااااااامد جدااااااااااا

تسلم ايديكى يااولاء

ميرسى يا زوزيتا

نورتى التوبيك

موضوع: رد: صح ولا غلط السبت نوفمبر 28, 2009 5:01 pm

توبيك
جامد
زى
صحبتة
تسلمى

ميرسى يا محمد ربنا يخليك

موضوع: رد: صح ولا غلط السبت نوفمبر 28, 2009 10:45 pm

كلام جميل وموضوع جااااامد تسلم الايادي

موضوع: رد: صح ولا غلط الأحد نوفمبر 29, 2009 12:38 pm

ميرسى يا بوسى ع ردك

وانا مبسوطة ان اول مشاركة ليكى فى المنتدى كانت رد ع موضوعى

نورتى التوبيك والمنتدى كلو