هل من الممكن ان تقوم صداقة بريئة بين رجل وامرأة ؟!

هل من الممكن ان تقوم صداقة بريئة بين رجل وامرأة ؟!
كيف تكون تلك العلاقة ؟!!!!!
وما هي نهايتها ؟؟؟؟؟؟
هل ستكون مثل علاقة رجل برجل او امراة بامراة ؟؟؟؟ اقصد صداقة رجل برجل وصداقة إمرأة بامراة ؟؟؟؟؟؟
انا في الحقية احترت كثيراً في ايجاد اجابات لهذه الاسئلة .......
اذا قلت لا يمكن يقولون اذن انت قلبك هو المشكلة وليس كل الناس مثلك ؟؟
واذا قلت لا يمكن اتهم بسوء النية وقصد العلاقة المحرمة أي انني اصرف كل علاقة بين رجل وامراة بنظرة العلاقة المحرمة .......
في النهاية انتظر ردودكم ............. هل انتم في صف الموافقة ولماذا ؟؟؟؟

ام انتم في صف الرفض ولماذا؟؟

لا يمكن ان تكون هناك صدافه بين رجل ومراة الا فى حدود الزواج او الاخوة اى ان يكونو شقيقين

بصى هو لأمينفعش تكون فى صداقة بين راجل وبنت مش عايزين نضحك على نفسنا دى حاجة مش ممكن تحصل ولافى حدود ولا من غير حدود العلاقة دى لازم تتطور فى يوم من الايام والافلام هى اللى خلتنا نفكر ان دا ممكن يحصل وان دى حاجة عادية
وبعدين فين سمعة البنت يا جماعه اى واحده هاتقف مع واحد ولو لخمس دقايق شوف الرايح والجاى بيقول عليها ايه؟ اومال بقه لما يبقى صاحبها هاتقف معاه كام ساعة ويتكلموا عنها كام كلمة ولا خلاص البنت بقت زى الولد زى ما حد أهبل بيقول

بصوا اولا انا مش ضد الفكره او معااها

بس عندى سؤاال

وليه لا
ليه مش ينفع يكون فيه مش هقوول صدااقه ممكن زمااله اخوه احتراام بين الاتنيين
ليه لا

ما انا ممكن اقف مع وااحد زميلى ومعاانا محااضراات وبنتكلم عاادى جداا ومفيش اى مشكله

ليه لا

ليه ماتكونش علاقه محترمه

وفيه صدااقاات بين ولاد وبناات احسن من صدااقات بين ولاد و ولاد وبنات وبنات

وبيفضلووا اصحااب واخواات ومفيش مشكله

لا هئولك على حاجة مينفعش تبئة فيه صداقه بس زى مئولتى كده هى اسمها زمالة مش اكتر من اخوات يعنى لانك بالتاكيد اللى هتحكيه لواحدة صحبتك ئريبة منك اوى مش زى اللى هتحكيه لصديقك دة فهى اسمها زمالة بما اننا فى كلية واحدة بنساعد بعض ويبئة فيه حدود للزمالة طبعا وباحترام وبس وطبعا كلنا اخوات لكنى مبفضلش الصداقة يعنى

لا انا شايف ان فى صداقه بين الرجل والمرآه وممكن تكون كمان الصداقه دى أمتن من صداقه الرجل للرجل والمرآه للمرآه

انا عن نفسى ليا صديقات بنات كتير ومفيش بينا غير الاحترام وبنتعامل كأننا اكتر من الاخوات كمان

فأنا مش ضد فكره ان فى صداقه بين الولد والبنت بس فى حدود الادب والاحترام برضوا

تسلم على التوبيك الجميل ده

وفى انتظار جديدك

صباح الخير الاول بس اكيد يعنى يا دولا فى حاجات تئدر تحكيها لصاحبك بس مينفعش تئولها لصاحبتك دى والعكس كمان علشان كده احنا بنسميها زمالة دراسة او عمل او اى حاجة من دى ولا اية؟؟

صباح النور يا ميراا

هوه فعلا فى حاجات مينفعش نحكيها لبعض

بس بغض النظر عن الحاجات دى يعتبر جميع اركان الصداقه موجوده برضوا

يعنى انت من وجهة نظرك او بمعنى تانى ان صديقك الانتيم اللى بترتاح اوى وانت بتتكلم معاه واول حد تفكر فيه لما تبئة مضايق هى بنت مش ولد ؟؟؟؟ يعنى ائصد البنات اللى هما اصداقئك دول ائرب ليك من اصدقائك الشباب وبترتاحلهم اكتر؟

لا انا ليا صاحب انتيمى ولد برضوا وبجد صاحب حقيقى وربنا يخلهولى يا رب

بس برضوا هقولك حاجه يا ميراا

البنات مش هتعمل معايا حركات نداله او غدر زى الولد لما بيعمل مع صاحبه الولد او البنت تعمل مع صاحبتها

فعشان كده انا بشوف ان البنات بتبقى باقيه اكتر على الصحوبيه عن الولاد

فى دى بئة بصراحة عندك حق ومش بئول كده والله لانى بنت بس البنات ميئدروش يعملوا حركات ندالة مع بعض
بس بجد كويس ان اللى بينكوا فى الصداقة دى احترام وادب وكل واحد عارف حدوده

ودى اهم حاجه المفروض تكون موجوده فى اى صداقه سواء تكون بين ولد وبنت او صداقه من نفس الجنسين

وشكراا لردك يا ميراا

محدش ئال رايه لية يا جماعة فالموضوع دة؟

انا رائى
لاء والف لاء مستحيل
ان يبقى فى صداقه بمفهومها
ممكن ده اكيد ها تتحول فى يوم من الايام ان ما كانتشى من طرفين فممكن تبقى من طرف واحد
وبعدين ليه البنات تقف مع ولاد
اى نعم فى اولاد محترمين ومؤدبين بعكس ناس تانيه خااالص
بس الامر ما يسلمش
والاحتياط واجب
وصوابعكوا مش زى بعضيها
وحاجات كده لازم نحطها فى الاعتبار

» هل من الممكن انت حب شخصا لم تراه !!!!!!
» حركات لا ارادية تقوم بها البنات