عدد المساهمات : 851 تاريخ التسجيل : 15/08/2009 العمر : 29 الموقع : فى احلى مكان فى العالم
موضوع: بدون عنوان الثلاثاء أكتوبر 20, 2009 10:13 pm
فى اةسيس جوانا بنحسها وبنبقى مش عارفين مصدرها بس لما بنبقى مضايقين بنلاقى نفسنا حاسين باةسيس كتيره اوى كلها جت مره واحده يمكن من مواقف مرت علينا قبل كده يمكن من مشاكل مرت باصحابنا بس حسينا بيها فى مننا بيقف قدام البحر يشكى ليه عن هموموا واحزانوا وفى مننا بيبص للسما وفى مننا الى بيحكى لاصحابوا بس اعتقد ان بقى قليل اوى والاتجاه دلوقتى للطبيعه زى البحر والسما طيب لما بنحكى عن الى جوانا للطبيعه بنفكر اذا كانت هترد علينا او لاء طيب ولو مردتش تتمنى انها توصل همومك دى لاكتر حد قريب ليك طيب حصل معاك انك وقفت تبص للنجوم وبكيت من غير ما تحكى حاجه عن الى جواك طيب ليه احنا اتجاهنا بقى للطبيعه ليه مش بنحكى لاصحابنا يمكن لان ده ممكن يتعبنا اكتر ولا هما مش هيقدروا يحسونا ولا يفهمونا (لا تشك للناس جرحا انت صاحبه لا يؤلم الجرح الا من به الم) طيب حسيت بالاحباط قبل كده كل ما تبتدى تعمل شىء يقولوا ليك لا غلط مش كده ويفضلوا يقولوا غلط غلط غلط طيب ليه مش بيدونا فرصه اننا نغلط لو مغلطناش مش هنتعلم الصح والحياه تجارب بس احيانا بتلاقى نفسك مليت من كتر الكلام لحد ما تبقى عايز تقعد لوحدك ومتكلمش حد منهم يرجعوا يقولوا عليك كسول ومفيش فايده منك (مش سايبينك فى حالك)
طيب حسيت قبل كدا انك فاهم شخص معين اوى ومره واحده تلاقى نفسك كنت مخدوع وانت متعرفش اى حاجه عن الشخص ده ولا بيفكر ازاى طيب حصل معاك انك حاولت ترضى شخص بكل الطرق وبردو معرفتش ترضيه طيب اتحطيت قبل كدا فى مشكله مع شخص وفضلت تفكر وتفكر كتير فى حل للمشكله وتفكر هتقول ايه لما تتعاتبوا انتوا الاتنين وبعد فتره كبيره من التفكير تلاقى نفسك قفلت من الموضوع وتقرر انك متقولش حاجه وممكن تلاقى نفسك كمان تروح تصالح الشخص الى فى مشكله بينك وبينوا (بس ده لو كان شخص عزيز عليك اوى) وطبعا المشكله كده مش هتتحل كل الى عملتوه انكم سبتوها طيب ولو حصلت مشكله تانيه هتلاقى نفسك بتفكر فى المشكله الاولى ومشكله ورا ومشكله لحد ما تقفل من الشخص ده وتبعد عنوا طيب ليه مش تعاتبوا من الاول بردو لانك حاسس انو مش هيفهمك ولا يمكن لانك حاسس انك قيمتك هتقل لو حكيت ليه وقولتلوا على كل الى جواك وده يمكن لانك حاسس انو مش بيحبك اد ما انت بتحبوا طيب يعنى هو ده الحل طيب فكرت قبل كده انك عايز تفضل تجرى تجرى تجرى لحد ما توصل لاى مكان مش عارفين بتجروا ليه وعلى فين المهم انك بس تجرى طيب حصل معاك قبل كده انك قولت للى بتحبوا انك محتاجلوا جمبك لان فى جواك حاجه انت مينفعش تقولها ومش قادر تقولها ودورت عليه وملقتهوش جمبك وزعلت منو ورجعت انت الى كلمتوا وبينتلوا انك مش زعلان ولا اى حاجه وملقتش منو الحنيه الى انت محتاجها كنت محتاج انو يخفف عنك بس بردو ملقتش ده بل بالعكس ممكن يقسي عليك من غير ما هو يحس انو بيعمل كده وتفكر تقولوا كده بس فى الاخر ترجع وتقول لاء علشان ميزعلش منى وممكن غصب عنك تلاقى نفسك مره واحده قلت متخيل انو هيصالحك او يعمل اى حاجه علشانك بس هو كل الى بيعملوا انو بيبعد فى الوقت الى انت فى امس الحاجه ليه طيب فكرتوا قبل كده تعملوا حاجات مجنونه ممكن تخليكم تخسروا حياتكم بس علشان متفكروش فى المشكله الى انتوا فيها وترغموا نفسكم بالحاجات المجنونه دى انكم تفكروا فى حاجات تانيه طيب فكرتوا فى الكون الى احنا عايشين فيه احيانا بفتكر زمان ان كان عندى بيت لعبه وكان عندى عروسه بحركها زى مانا عايزة وبخليها تعمل الى انا عايزاه هل احنا كمان كده؟! طيب ايه الى احنا مجبرين عليه وايه الى احنا مخيرين فيه انا قرات كتير عن الموضوع ده ووجهه النظر الى اقتنعت بيها اننا مجبرين نشوف اقدارنا بس مخيرين فى دينا وتصرفاتنا بمعنى تانى ان ربنا بيحطلنا اختيارات واحنا بنختار منها منقدرش نختار حاجه بعيده عن الاختارات دى بس ربنا بيكون عارف احنا هنختار ايه قبل ما نختار (اسبقيه العلم الالهى) بس عارفين بعد ما افكر فى ده كلوا اقول ان الحياه مش كلها كده وفيها لحظات فرح منقدرش ننكرها والاةسيس دى المفروض متخليناش نستسلم بل تخلينا نتشجع ونقاومها على فكره انا اول مره اكتب انا موضوع بنفسي وانشروا فاكيد هيبقى عندى غلطات كتير وكمان اسلوبى عامى شويه لانى حابه الاةسيس توصل كده زى ما هى
زوزيتا فاكهة المنتدي
عدد المساهمات : 1324 تاريخ التسجيل : 15/08/2009 العمر : 33 الموقع : فى قلب حبيبى
موضوع: رد: بدون عنوان الثلاثاء أكتوبر 20, 2009 10:30 pm
جميل اووى التوبيك ده
وخااصه انه باحساااسك بجد وعلى فكره الموااقف دى بتحصل لناس كتيير اووى
وبتحصلنا كل يووم
اقتباس :
بس عارفين بعد ما افكر فى ده كلوا اقول ان الحياه مش كلها كده وفيها لحظات فرح منقدرش ننكرها والاةسيس دى المفروض متخليناش نستسلم بل تخلينا نتشجع ونقاومها
اكيد طبعا لازم نبص لنص الكوبااايه المليانه
ووليه مش نفكر ان بكره هيكوون حسن بكتيير وان اللى احن فااكرينه شر ده ممكن يكون خير لينا " وتحسبونه شرا وهو خيرا لكم "
ثااااااااااااانكس يا احمد عالتوبيك الجميل ده بجد
تسلم ايديك
dark man عضو ذهبي
عدد المساهمات : 851 تاريخ التسجيل : 15/08/2009 العمر : 29 الموقع : فى احلى مكان فى العالم
موضوع: رد: بدون عنوان الثلاثاء أكتوبر 20, 2009 10:31 pm
الله يسلمك يازوزيتا وانا معاكى فى الكلام دا طبعا نورتى التوبيك بجد يازوزى
الرئيسية 
البوابة 
التسجيل 
دخول 
الأحد أكتوبر 20, 2013 11:10 am من طرف عبدالرؤوف
