السلام عليكم الاول
انا عايز اقول حاجة ممكن تتفهم انها بعيد عن الموضوع بس ياريت تخليكوا معايا للاخر
من زمااااااااااااااااااااااااااااااان نفسنا نبقى ايجابيين ونعمل حاجة او نساعد فلسطين ونحررها او نرتقي بحال البلد او الامة العربية او الامة بشكل عام
لكن الحمد لله كل مرة بيبقى مجرد كلام
عاوزين نخرج من مود الروتين والف ليله وليله اللي احنا معيشين نفسنا فيه ده ونتكلم بجد شوية
احنا عاوزين ايه ؟؟؟؟؟؟؟؟؟؟؟؟؟؟؟؟؟؟؟؟؟
عاوزين نخلي بلدنا احسن بلد ف العالم وبعدين نساعد الامم التانية على الارتقاء
.عشان نوصل لده
لازم احنا ننمي نفسنا
عشان ننمي نفسنا
لازم نتعامل مع نفسنا وبعدين مع اللي حوالينا صح
وعشان نوصل ..لازم نتبع الرسول
صلى الله على محمد صلى الله عليه وسلم
الايمان بضع وسبعون شعبه اعلاها لا اله الا الله وادناها اماطة الاذى عن الطريق
صلى الله على محمد صلى الله عليه وسلم
كلنا بنعمل اعلاها
لكن مين بياخد باله من ادناها
هاتقولي يعني لما اشيل حجر م ع الارض ف الشارع هاحرر القدس
طيب هو مش ممكن نعمل الحجات الصغيرة دي واجرنا عند ربنا ما نستناش حاجة من حد
فيها ايه لما تنصح واحد صاحبك باسلوب كويس ولا لما تقول لاي حد جنبك ف المواصلات بيشرب سجاير انه يوقفها عشان بتتعبك
مش ممكن تقول للكاشير بعد تحاسب (شكرا)
مش ممكن لما موظف الحكومة يقولك 200 جنيه عشان ورقك يخلص بسرعة تتبع القانون ومش مشكلة تكون انت الوحيد اللي بتطبقه وترفض الرشوة
صعبة دي
سبحان الله ناس كتير بتتكسف تعمل اي حاجة من دي
مرة كنت بتمشى مع اخويا فبيقولي اشتري حاجة ناكلها واحنا بنتمشى كده
فقولتله لا انت مش هاتتكسف تاكل ف الشارع ..قاللي ليه هو اللي بيشرب سجاير ف الشارع وهي حرام مش بيتكسف اشمعنا احنا
سبحان الله هو الموقف مش قد كده اوك بس هي وجهه نظر سليمة
بس لو لاحظنا هانلاقي ان المحرمات بتتعمل عادي ف الشوارع
لكن الفروض بنتكسف نعملها
البنات عادي انها تتحجب باللبس الضيق والميك اب لكن تتكسف تلبس لبس واسع وساتر اوي
م الاخر
مين عنده استعداد يكون عنده شوية جرأة ويطبق الدين صح ف الشارع وف البيت وفكل مكان اللي عنده استعداد يرد واللي عاوز يستمر ف السلبية هايجي اليوم اللي تتمنى فيه لحظه تحاول فيها تخدم دينك وقتها ابقى افتكر ان الحجات الصغيرة دي هي بداية نهضتنا
اتمنى ان وجهة نظرى تكون وصلت
ويارب مااكون تقلت عليكوا