فعلا احنا كدا

كان فيه زمان بنى آدمين عاملين زينا كانوا عايشين

بس الفرق كان فى الأخلاق و طباع متأصله فى الجين
كان فى أمان حب و رحمة و الاطمئنان
ناس ايديهم متوحدة و على لسانهم دى الدنيا بخير
الوقت ادينا عايشين
بس بقينا من بعضنا خايفين
كاشين غرب قرب على طول شاكين
و الطيبة دى بقت خيبة
و الشهامة دى دقة قديمة
الرحمة فى قلوبنا كبيرة لكن خوفنا ده غطى عليها
كل واحد همه فى نفسه
كل واحد خوفه على نفسه
حتى لو يدوس على اخوه
المهم نفسه نفسه
فعلا اتغيرنا كتير
من حب و خوف على بعض
لطمع و نفاق فى البعض
صحيح كلنا بنى آدمين بس من جوانا متغيرين
فينا الأمين بس يا عينى أكتر ما فينا اللئيم
فينا الطيب و فينا الحويط الخبيث
فينا و فينا و ملهيين عن يوم الدين
كله فى حرب ازاى اخد و ازاى مديش
كله فى خوف ما احنا خلاص بقينا فى غابة بنعيش

الله عليك يمحمد بجد جميلة اوى
فعلا احنا كدة دى حئيئة الناس كلها بئت كدة

اولا كلامك جميل اوى ومعبر عن واقع موجود فى مجتمعنا وبكثرة

بس انا اختلف معك انت وميرا

ليه علشان مش كلنا كدة

كتابتة الكلام الجميل دة علشان دى سلبيات عايز تغيرها من مجتمعك

معن كدة انك بتتمنى الخير والافضل لكل الناس

على فكرة لسه فى ناس كتيير عندها شهامة وطيابة
وحب لكل الناس ومساعدتهم من غير مقابل

دا شى انا بشوفة بعينى موجود

وتعقيبا على كلامك اقول

مش كلنا كدة

صح كلامك يا فانتوم مئولناش حاجة بس انا بتكلم ان فعلا اغلب الناس بئوا كده وفيه ناس برضة طبعا طيبين بس للاسف الاقلية

وانا قصدى زى ميرا بالضبط الشهامة بقت قليلة
فعلا محتاجين نعيد ريسترد لنفسنا
ميرسى على مشاركتك