fantomlovelife المشرف العام
عدد المساهمات : 580 تاريخ التسجيل : 03/08/2009 العمر : 34
| موضوع: حوار مصرى مصري الجمعة سبتمبر 18, 2009 1:18 am | |
|
يقال إن 87% من الشعب المصري ساخطون على الحكومة المصرية.. ما تعليقك؟ ** الـ13% الباقيين معاهم جنسيات أخرى.
* تقرير: 45% من الشعب المصري مصابون بمرض السكر، ما تعليقك؟ ** آدي اللي خدناه من "الحلواني" اللي بنى مصر.
* ما أهم مظاهر الفهلوة عند المصريين؟ ** أنهم يشكُّون في الشحات ولا يشكُّون في النصَّاب.
* بعد اضطهاد النادي الأهلي الواضح لنادي الزمالك والمتمثل في التنكيل به ذهابًا وإيابًا.. ماذا تتوقع لجماهير الأخير؟ ** أتوقع أن نقرأ قريبًا أخبارًا عن زملكاوية المهجر.
* ليه الحزب الوطني بيعمل إعلانات لنفسه مع إن البلد كلها بتاعته؟ ** زي ما شبكة الأوربت بتعمل إعلانات لنفسها على شاشة الأوربت.
* ما الفرق الأهم بين مصر وأمريكا ؟ ** الفرق الأهم إن عائد السياحة من الهرم المزيف الموجود في لاس فيجاس مائة ضعف عائد السياحة من الهرم الحقيقي بالجيزة.
* ما أهم قاعدة موجودة في مصر؟ ** إن مفيش قاعدة لأي حاجة.
* ما وجه الشبه بين السد العالي وقانون الطوارئ؟ ** الاثنان "مصدر للكهرباء!!".
* لماذا يطلق المصريون على زوجاتهم لقب "الحكومة"؟ ** لصعوبة تغييرها مهما تسببت في كوارث.
* أين يمكنك أن تلاحظ سوء نية المصريين؟ ** عندما يغنون للطفل البريء بمنتهى الخبث قائلين: يا رب يا ربنا تكبر وتبقى زينا.
* ليه أكتر ناس بياخدوا مواقف معارضة جريئة هم الناس بتوع الغزل والنسيج؟ ** علشان بيشتغلوا في القطن, و"القطنة ما بتكدبش" زي ما قالت مدام نظيفة.
* إمتى بتحس إن البلد حلوة؟ ** ما باحسش إن بلدنا حلوة غير لما داليدا تقول: "حلوة يا بلدي" (بغَضِّ النظر إنها قالتها وانتحرت).
* إمتى هناكل جوافة من إنتاج مزارع توشكى؟ ** لما نلاقي المشمش!!.
*ما العلاقة بين عصام الحضرى وسمن روابي؟ ** الطعم فلاحي وتحدي.
* هل لك أقارب استشهدوا في الحرب؟ ** لأ عندي أقارب استشهدوا في السلام؛ "السلام 98".
* 60% من الرجال المصريين يشخرون وهم نائمون.. ما تعليقك؟ ** الـ40 % الباقيين بيشخُرووا وهما صاحيين.
* ما تعليقك على أن المصريين لا يتحدون إلا لما يكون المنتخب بيلعب؟ ** الاستاد هو الحل!.
* ما الدليل على أن مصر بلد الأمان؟ ** الدليل إن الواحد بيتردد كتير قبل ما يدخل أي قسم شرطة.
* إيه الكلمة اللي ما بتحبش تسمعها وانت في أوضة العمليات؟ ** يا خسارة.
* بِمَ ستجيب كمصري عند سؤالك عن عمرك فيما أفنيته بعد عمر طويل؟ ** أفنيته في إشارة قصر النيل مستنيها تفتح، وفي صلاح سالم مستنيه يتحرك، وعلى كوبري أكتوبر مستني لما رئيس الوزراء يروح.
* من المستفيد من الزحام الذي يسيطر على شوارع القاهرة؟ ** شركات المحمول، كله واقف في الإشارة ماسك الموبايل، بيخلص شغل أو بيعتذر عن التأخير أو بيسلي نفسه على الأقل، وبالتالي تعتبر الإدارة العامة للمرور هي المستفيد الثاني "مخالفات استخدام المحمول أثناء القيادة"، المستفيد الثالث هي الشركة الشرقية للدخان حيث يتزايد معدل الحرق على سبيل "التنفيث"، المستفيد الرابع هو الهيئة العامة للبترول حيث يتزايد حرق البنزين على الفاضي أثناء الوقوف؛ وهو الأمر الذي يبرر اختفاء البنزين من المحطات، وبالتالي يصبح المستفيد الخامس هم أطباء الأمراض الصدرية، المستفيد السادس المعلنون على إذاعة نجوم fm، وبالتالي يصبح المستفيد السابع الشركة المصنعة للأدوية المهدئة بالتساوي مع صيدليات علي علي.
* ليه بيقدموا الساعة ساعة عندنا في الصيف؟ ** علشان مصر تتقدم بينا.
* لماذا يقال عن الشعب المصري أنه شعب فوضوي؟
** علشان بيكره "النظام".
ده كان الحوار هوه على فكره منقوول انا قريته عجبنى جدا قلت لازم اجبهلكم لانه جامد جدا
| |
|
DOLA الدعم الفني
عدد المساهمات : 585 تاريخ التسجيل : 02/08/2009 العمر : 34 الموقع : جزيره الاحلام
| موضوع: رد: حوار مصرى مصري الجمعة سبتمبر 18, 2009 3:55 pm | |
| ههههههههههههههههههههههههههههههه هوه فعلا جامد يافنتوم تسلم ايدك يا قمر | |
|
vip المشرف العام
عدد المساهمات : 512 تاريخ التسجيل : 01/08/2009 العمر : 32
| موضوع: رد: حوار مصرى مصري الأحد سبتمبر 20, 2009 11:25 am | |
| هههههههههههه لاء بجد تحفه جدااااااااااا يا فانتوم | |
|
baskota m مشرفة قسم اخبار النجوم
عدد المساهمات : 360 تاريخ التسجيل : 09/08/2009
| موضوع: رد: حوار مصرى مصري الأحد سبتمبر 20, 2009 10:54 pm | |
| هههههههههه تحفة تسلم ايدك يافانتوم | |
|
fantomlovelife المشرف العام
عدد المساهمات : 580 تاريخ التسجيل : 03/08/2009 العمر : 34
| موضوع: رد: حوار مصرى مصري الخميس سبتمبر 24, 2009 1:39 am | |
| يبقى انتا اكيد اكيد فى مصر ميرسى لمروركم الجميل شباب | |
|
JOKOMANO المراقب العام
عدد المساهمات : 1688 تاريخ التسجيل : 08/07/2009 العمر : 33 الموقع : http://allfriends.gid3an.com
| موضوع: رد: حوار مصرى مصري الأحد أكتوبر 18, 2009 12:40 pm | |
| حلو اوى يا فانتوم متظرين الجديد | |
|