تعملى ايه لو مخطوبه لواحد زى دا

خطيب بارد جدا جدا

هو و هى مشيين على الكورنيش .. الجو حار .. الشمس محرقة

هي : عطشانة .
هو : وأنا كمان.

هي : يعنى ... عايزة اشرب!
هو : أكيد مادام عطشانة يبقى عايزة تشربي .

هي : المفروض – بما أن عندك إحساس يعنى – إني لما أقولك عطشانة تجيب ليا حاجة ساقعة .
هو : ومين اللي هيحاسب ؟؟

هي : أنت طبعاً .
هو : منين ياحسرة .. ماانتى عارفة الكانز وغطاه .

هي : ماقلتش عايزة كانز .. كفاية إزازة مية ساقعة .
هو : طب لو هاتجيبى اعزمينى معاكى .

هي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي تقعدنا ولا إيه؟
هو : عندك الكورنيش كله .. اختاري الرصيف اللي يعجبك .

هي : قصدي تعزمنى في مكان شاعري .
هو : في الحر ده .. ماينفعش .

هي : بلاش دى .. نأخد مركب عالكورنيش .
هو : المراكب بتغرق اليومين دول .. خلينا ع البر أحسن .

هي : بلاش المركب تعالى نأكل ترمس .. أظن ده رخيص .
هو : إنتى تضمني منين إن الراجل غاسل إيده وغاسل الترمس

هي : أعوذ بالله .. إنت مقفلها كده ليه ؟؟
هو : بصراحة معييش فلوس .

هي :يا سلام!! .. ماأنت كان معاك إمبارح .
هو : إمبارح دخلت السينما مع بنت حلوة كده فالفلوس خلصت

هي : بنت حلوه ؟؟!! وبتقولها في وشى .
.هو : أكذب عليكى يعنى

هي : لأ .. تحرق دمى أحسن .
هو : أنا مش شامم ريحه شياط يعني .

هي : يخرب بيت البرود .
هو : برود إيه ؟؟ ماهو الجو مولع أهو .

هي : إنت اللي بارد .
هو : بارد إزاى ؟؟ دا أنا بشُر عرق .

هي : بقولك إيه .. روحنى .
هو : أروحك ؟! هو إنتى ماتعرفيش تروحي لوحدك .

هي : آآآآه .. طب أنا ماشية .
هو : ليه يا حبيبتي؟؟

هي : حبك برص .
هو : والله البرص بيفهم عشان حبني.

هي : بجد كده كتير .
هو : كتير إيه ؟؟

هي : إرحمنى .. واضح إن الحر بيجى معاك بالعكس .. يا بارد
هو : يعنى مصممة تمشي؟؟

هي : أيوة وحالاً كمان .
هو : طب استني لما نوصل آخر الشارع .

هي : اشمعنا ؟؟
هو : أصل أنا ساكن هناك .. و مايرضكيش أروح لوحدى .

هي : لااااااااااااااااااااااا
هو : ينفع كده ترمي نفسك في الميه مين هايوصلني بقى

ودا حال ابن الشعب المصرى ياما جيبه مفلس ياما يرزل على خطبته

ههههههههههههههه

يالهوتينى عليه

والله انا ممكن اقتله لوعمل معااااايا كده

انا ناقصه حرقه دم

ثاااااانكس يااحمد عالتوبيك الجميل ده

خدت الشر وراحت
ههههههههههههههههههه

ماشى يا احمد بس مفيش واحد بالبرود دا وبالذات مع الجنس الناعم

اية دة المخلوق الغريب دة دة لو خطيبى اية بعد الشر دى حاجة صعبة اوى دة يجيبلى الضغط
ميرسى يا احمد على التوبيك الجميل دة
اللى يجيب الضغط تعملى ايه لو مخطوبه لواحد زى دا Icon_biggrin

يالهوووووووووووووووووى
اية دة
دة انا لو مكانها
كنت رميتة من فوق الكورنيش
وخليتة يقلد أحمد السقا فى فيلم تيتو

جميل أوى يا أحمد

هههههههههههههههه شكرا ياجماعة على مروركم نورتم التوبيك والله

قمه البرود

يااااااااااااااه لسه فى ناس كده

هههههههههههههههه والله ماعارف يالوتس نورتى نايس مرورنورت يا بيكو انت الأخر