fantomlovelife المشرف العام
عدد المساهمات : 580 تاريخ التسجيل : 03/08/2009 العمر : 34
| موضوع: ... شوفتى ازاى ... الأحد أغسطس 09, 2009 3:18 am | |
| ... شوفتى ازاى ...
اكتر قلب ف كل العالم .. حاسس بيكى .. اكتر قلب ف كل الدنيا .. بيعشق اسمك .. يفرح ليكى .. عارفك .. عارف كل اغانى العشق .. اللى حفظتيها .. حافظك .. كلك .. حتى لحد ادق ملامحك .. كل ما فيكى .. وصف عنيكى .. رمش برمش .. كانه قصادى .. وقدام عينى .. حتى الضحكة اللى ترسينى .. لسه شايفها .. سامع رنة صوتها بودنى .. بتسرى ف دمى .. نبض حياتى .. رغم مسافة بتفصل بينا .. رغم حدود و بحار و جبال .. بتفرق بينا .. ميت مشوار و سدود و محال .. لكن عارفك .. حافظك .. شايفك .. رسمك صورة .. مهما تروحى بعيد عن عينى .. ساكنة عيونى ..مرسومة جوا النيني و قافل .. رمشي عليكى .. لما بنام وبشوفك حلم .. ولما بفتح عينى واشوفك .. قدام عينى حقيقة .. برئية .. وضحكة تنور يومى الجاي .. شوفتى ازاى ؟؟؟...
عارفك .. حافظك ..عارف كل اللى تحبيه .. لون فاستينك .. قصة شعرك .. كل مكان ممكن تزوريه .. او بتحبيه .. لما بتتعبي قلبى ياخدنى .. واجرى و اسيب الدنيا بحالها .. واجرى عليكى .. تجرى لحضنى .. بين درعاتى اضمك و اخدك .. دنيا بتاعتى .. وانتى اميرة .. قلبى لوحدك .. وافضل افكر .. وانت قصادى .. ازاى ممكن ارسم صورة .. وافضل اجمع كل ملامحك .. ارسم قلبك ..ورده تعطر كل الدنيا .. وتشفى عليل .. ارسم عينك نبع و صافى .. وخضرة و نيل .. اما شفايفك .. لحن و غنوة .. و سحر الليل .. اسمع منها .. ادوب ف عنيكى .. ف لمسة ايدك .. سر جميل .. صدقتينى .. لما باقولك ... ان انا حافظك .. عارفك .. شايفك .. قدام عينى .. لما بفتح عينى الصبح .. وقبل ما انام .. حتى ف حلمى .. وقلبى و روحى .. وجوا الدم بتجرى تروحى .. لجوا القلب .. تصنعى نبضه .. ودقة حبه .. وعمره الجاى .. شوفتى ازاى ؟؟؟
| |
|
vip المشرف العام
عدد المساهمات : 512 تاريخ التسجيل : 01/08/2009 العمر : 32
| موضوع: رد: ... شوفتى ازاى ... الأربعاء أغسطس 12, 2009 6:13 pm | |
| بجد روعه دايما فى تقدم بس ده نوعه ايه شعر غنائى ولا ايه ؟ | |
|
ميراا المشرف العام
عدد المساهمات : 1324 تاريخ التسجيل : 10/08/2009
| موضوع: رد: ... شوفتى ازاى ... الأربعاء أغسطس 12, 2009 6:25 pm | |
| انت طبعا عارف رايي من غير مئول جامد جامد جامد | |
|
fantomlovelife المشرف العام
عدد المساهمات : 580 تاريخ التسجيل : 03/08/2009 العمر : 34
| موضوع: رد: ... شوفتى ازاى ... الخميس أغسطس 13, 2009 1:53 am | |
| هوا اه شعر غنائة بس مش كل اللى بكتبة معظمة وهوا شعر عامى ميرسى ليكو على ردوكم الجميلة اللتى تعطينى الدافع للابداع | |
|
JOKOMANO المراقب العام
عدد المساهمات : 1688 تاريخ التسجيل : 08/07/2009 العمر : 33 الموقع : http://allfriends.gid3an.com
| موضوع: رد: ... شوفتى ازاى ... الخميس أكتوبر 22, 2009 12:19 am | |
| | |
|
M.Zieada المشرف العام
عدد المساهمات : 1316 تاريخ التسجيل : 04/09/2009 العمر : 34
| موضوع: رد: ... شوفتى ازاى ... الخميس أكتوبر 22, 2009 3:22 am | |
| جميل جدا يا فانتوم وكل اللى انا كنت عايز اسالة زميلى هنا سالوة التوبيك جميل جدا والكلمات بجد جميلة جدا جدا | |
|